لکھنو،4؍جنوری (ایس او نیوز؍آئی این ایس انڈیا) اترپردیش اسمبلی انتخابات میں گرچہ ڈیڑھ سال باقی ہوں ، لیکن سیاسی جماعتوں نے پہلے ہی ایک سیاسی سرگرمی شروع کردی ہے۔ بی جے پی کی ریاستی یونٹ نے 2022 کی سیاسی جنگ لڑنے کی تیاری کرلی ہے۔

بی جے پی کے ریاستی صدر سوتنتر دیو سنگھ اور ریاستی انچارج رادھا موہن سنگھ نے پارٹی کے ریاستی عہدیداروں کے ساتھ ایک میٹنگ کی اور انہیں ذمہ داری دے کرمحاذ پر کھڑا کردیا ہے۔ اسی دوران سینئر رہنماؤں نے بی جے پی کے عہدیداروں اور کارکنوں کے لئے بوتھ سطح کے کاموں کو نئے طریقے سے تقسیم کرنے پر بھی غور وفکر کیا ہے ،خیال کیا جارہا ہے کہ جلد ہی پارٹی عہدیداروں اور کارکنوں کو نئی ذمہ داری سونپی جائے گی۔

تاہم پنچایت انتخابات میں بھگوا پرچم لہرانے کے لئے بی جے پی نے ایک خصوصی حکمت عملی تیار کی ہے اور اس کے لئے اس نے اپنے مضبوط لیڈروںکو تعینات کیا ہے۔اس کے ساتھ ہی اجلاس میں علاقائی انچارج بھی مقرر کیا گیا اور پارٹی نے 12 مارچ کو سوامی وویکانند کی یوم پیدائش کو یورا مورچہ کے ذریعہ ضلعی سطح پر پروگرام کے انعقاد کا منصوبہ بھی تیار کیا ۔ ریاستی صدر سوتنتر دیو سنگھ نے کہا کہ پنچایت انتخابات بی جے پی کی اولین ترجیح ہے۔ پارٹی مودی اور یوگی حکومت کے منصوبوں کو میدان میں اتارنے کے لئے اہل امیدواروں کا انتخاب کرے گی۔ تین سطی کے پنچایت انتخابات میں دیانتداری ، وفادار اور گاؤں کی ترقی کے لئے عوام کے لیے وقت لوگوںکے منتخب ہو کر آنے سے ہی حاصل ہوگا۔ اس لیے پنچایت انتخابات بی جے پی کی اولین ترجیح ہے۔

بی جے پی ریاستی تنظیم کے جنرل سکریٹری سنیل بنسل نے کہا کہ کامیابی کے عزم کے ساتھ پارٹی تین سطی پنچایت انتخابات میں حصہ لے گی۔ پارٹی کا ہر کارکن مودی اور یوگی کی عوامی فلاح و بہبود کی اسکیموں کو لے کر عوام کے پاس جائے گا۔

واضح رہے کہ بی جے پی اترپردیش میں پنچایت انتخابات کو لے کر بہت سنجیدہ ہے۔ یہ خیال کیا جاتا ہے کہ پنچایت انتخابات مارچ میں ہوسکتے ہیں۔ اترپردیش میں پہلی بار پنچایت انتخابات میں سیاسی پارٹیاں بڑی تعداد میں کارکنوں کو میدان میں اتارنے کی تیاری کر رہی ہیں۔ اس میں حزب اختلاف کی تمام جماعتیں بشمول حکمراں بی جے پی ، کانگریس ، ایس پی ، بی ایس پی ، اپنا دل ، عام آدمی پارٹی اور اے آئی ایم آئی ایم اپنی قسمت آزما رہی ہیں۔